Лов на крап

 

 

Доброто познавање на крапот, неговото однесување и прехранбените навики е неопходно за успешен крапски риболов. Квалитетната опрема и прецизно прилагодениот  систем без сомнеж исто така се многу важни затоа што се единствената врска помеѓу риболовецот и рибата. Но сите тие работи паѓаат во вода доколку рибата го одбие или што е уште полошо не го пронајде понудениот мамец.


Мамец со грашок: јадица бр.12 конец 0.12 мм.
Мамец со боили: јадица бр.4 конец 0.12 мм

При изборот на мамец потребно е да се води сметка за присуството на други врсти на риба на риболовното место. Доколку местото за кое сте се определиле врие од ракови и амерички сомови немате можност да ги обесхрабрите на друг начин освен со бојли. И тоа не било какви. Тие мораат да бидат со прилично голем размер и многу тврди.

Ако пак местото ви е поштедено од наведените паразити, одлучете се за варени житарици. Иако штом се спомне житарици сите веднаш помислуваат на пченка, не е лошо понекогаш да се проба и со грашок, но не оној кој го користиме за храна туку тој наменет за сточна храна.


По правило крапот има повеќе различни зони на хранење кои дневно ги обиколува секогаш по исти пат.Треба да се сопре на некое место коде што проаѓа или да се чека во некоја од неговите вообичаени зони на хранење

Како да препознаете добро место

Кога крапот е активен со внимателно набљудување не е тешко да се откие. Пред се по неговите скокови над водата, особено во раните утрински часови и по специфичниот и не баш дисктретен начин на кој се храни. Имено,, крапот во при потрагата по храна се служи истовремено со опашката и со устата. Мафтајки со опашката го крева талогот од дното на водата и со устата го вшмукува и потоа благодарејќи на брковите ги дели честиците на хранливи и нехранливи. За сето тоа време на површината на водата избиваат меурчиња како последица на метанот осободен од талогот.

Исто така не смееме да заборавиме дека  на бојлите на кои ловиме задолжително треба да им го засилиме мирисот со нивно потопување во екстрактно масло.